لا والف مليون لا للتدخين

طبعا انا ولا اول ولا اخر واحد اتكلم وبيتكلم وهيتكلم عن التدخين واضراره
بس بيتهيئلى انا علشان كنت واحد من المدخنين وعندى خبره سابقه بالموضوع ده
هقدر اتكلم فيه بموضوعيه شويه
اولا التدخين ده اقذر حاجه فى الوجود
عارفين لما يبقى فى واحد بيكره حد وعايز يدمره
بالظبط التدخين ده كده بس هنا اللى بيكره بيكره نفسه وعايز يدمرها
السيجاره دى كلها زفت وقطران ومواد ازبل من الزباله وبتسبب امراض كتير تقريبا كل الامراض
من الربو وضيق التنفس وسرطان الصدر والقلب ونقص المناعه نهاية بالوفاه
ده طبعا غير بقى المظهر العام للمدخن وسنانه اللى بتصفر وتحت عينه اللى بيسود وريحته الكريهه
ونفور الناس منه ومن دخان سيجارته
وبعدين السيجاره دى بداية طريق الادمان
يعنى مثلا بتبدأ بالسيجاره
بعد كده تخش على المخدرات بأنواعها وكل ده من باب الفضول ليس الا وبعد كده الفضول يقلب معاك بأدمان
اسمعوا نصيحة مجرب
انا الحمد لله بطلت السجاير
انا صحيح بطلتها مضطر بعد ماتعبت وعملتلى ضيق فى التنفس وعضلة القلب تعبت شويه
بس الحمد لله فعلا بعد مابطلت تدخين فعلا حاس دلوقت ان روحى بدأت ترد فيا تانى ياجمناعه والله السجاير ماليها اى فايده واللى شايف عكس كده يقنعنى وانا والله العظيم ارجع ادخن تانى ياريت كل واحد فينا يشوف حد بيدخن يحاول يقنعه ان التدخين غلط
واضراره كتير
وملهوش ولا ميزه واحده وبجد مش هنخسر حاجه بالعكس ده احنا كده هناخد ثواب كبير اوى ان احنا بنبعد الناس عن حاجه وحشه زى دى
وفى الاخر ليا كلمه صغير اوى هى حكمه سمعتها ولحد دلوت هى حلقه فى ودنى

(اثنان لا يجتمعان الصحه والادمان)

برافو عليك يا ميدو انك اتعلمت من اضرار التدخين فعلا التدخين مضر جدا بصحه ويا ريت كلنا نعمل بنصيحه ميدووميرسى اوى يا ميدو على هذه النصيحه